Në një kohë që vendi ndodhet në krizë dhe situata politike nuk po merr një zgjidhje, duket se Partisë Demokratike po i sos “durimi”.
Kur kanë mbetur vetëm tre ditë nga zgjedhjet e Kavajë, zgjedhje këto për kreun e ri të bashkisë, kreu i Departamentit për Politikën e Jashtme në Partinë Demokratike, Kreshnik Çollaku, duket se iu ka dhënë fund dilemave rreth asaj që pritet të ndodhë më 7 Maj. Në një status në rrjetin social “Facebook” ai shkruan se: “Është koha e dajakut”. Mos parashikohet dhunë të dielën? Partia Demokratike bëri të ditur përpara pak ditësh se në orën 11:00 do të nisë protesta në Kavajë.
Për Ramën…
Kreu i Departamentit për Politikën e Jashtme në Partinë Demokratike, Kreshnik Çollaku, ka qenë mjaft aktiv në rrjetin social, ndërsa në një status tjetër ka komentuar atë se çfarë tha Kryeministri i Shqipërisë, Edi Rama, në konferencën për shtyp. Ai shkruan se sot numri një i qeverisë vuri në pikëpyetje serioze rolin dhe kontributin e çdo faktori ndërkombëtar në Shqipëri.
“Sot Kryeministri vuri në pikëpyetje serioze rolin dhe kontributin e çdo faktori ndërkombëtar në Shqipëri. Deklarimi publik se investimi i gjatë dhe serioz i negociatorëve nga BE, ambasadorëve, negociatorëve etj., përmbledhur në “Propozimet Mçalister”, ishte “vetem një lojë” të cilës kryeministri nuk kishte ësnjë qëllim t’i qëndronte seriozisht….,është një nëpërkëmbje dhe shembje i autoritetit të atyre që i quajmë palë të treta.
Sot kryeministri shembi autoritetin e BE dhe negociatorëve gjermanike.
Me qëndrimin e sotëm të kryeministrit duket qartë se BE dhe negociatorët gjermanë i ka marrë seriozisht vetëm opozita.
Unë shpresoj që sot në këto orë kritike për fatet e demokracisë në vend të reagojnë BE dhe negociatorët gjermanë.
Nëse kjo nuk ndodh, do të jetë e vështirë të gjesh dikë në Shqipëri t’i besojnë autoritetit të BE-së dhe negociatorëve të saj në të tilla raste.
